Interesat gjuhësorë të poliedrikut Peter Prifti (1924-2010)*
Shkrimi shqyrton interesat gjuhësorë të Peter Priftit (1924-2010) duke i konsideruar ato një anë të rëndësishme të veprimtarisë së tij intelektuale në diasporën shqiptaro-amerikane. Duke u mbështetur në veprën didaktike, publicistike e studimore të Peter Priftit, vihet në pah kontributi i tij për mësimdhënien e shqipes si gjuhë e huaj në SHBA, përgatitjen e teksteve përkatëse për anglishtfolësit, përhapjen e njohurive për shqipen, konsolidimin e studimeve shqiptare në universitetet amerikane si dhe përkrahjen e normës standarde të shqipes. Peter Prifti, përveç se një studiues i historisë dhe kulturës shqiptare, mbetet një promovues shumë i rëndësishëm i ruajtjes dhe njohjes së gjuhës shqipe në diasporë.