Digjitalizimi dhe ruajtja digjitale
Punimi do të vë në pah se proceset e punës dhe fazat nëpër të cilat kalon digjitalizimi i dokumenteve arkivore ndryshojnë nga fondi në fond dhe varen kryekëput nga kërkesa, gjendja fizike dhe informacionet përcjellëse të fondit apo koleksionit arkivor. Digjitalizimi është pjesë e pandashme e çdo institucioni arkivor dhe luan rolin qendror në ruajtjen dhe qasjen në informacion mbi dokumentet arkivore. Digjitalizimi, si proces i punës në krijim, menaxhim dhe arkivim të dokumenteve arkivore, nuk qëndron më në skaje të kundërta të procesit të rregullimit dhe përpunimit të fondeve dhe koleksioneve arkivore, por është i integruar gjatë gjithë rrugës e, po ashtu, mund edhe t’u paraprijë të njëjtave.